Marhaba Sabi - Асау жүрек

Арзан ойдан ада
Күйбең күйден биік
Мейірімге ғана
Эміреніп, иіп
Жүре берші, соға берші

Шындығымды сүйіп.
Алдамшыдан алыс
Бола берші биік
Бойымдағы жалғыз
Жұдырықтай "жерұйық"
Тұтас әлем кетеді екен бір өзіңе сиып.

Асау, асау жүрек,
Асау асау жүрек,
Сәттерімде әлсіреген,
Қаттырақ соқ
Алға сүйре демеп
Асау, асау жүрек!

Реніш, өкпе, нала
Өкініш пен айып
Тазар, арыл, босат
Жеңіл жуып - шәйіп
Бір минутта жаңылмашы қағысыңнан тайып.

Іздетесің мәнді
Тіршіліктен теріп
Айналдырып қанды
Беріп жігер, ерік
Сен тоқтамай, тоқтамаймын жарығыма сеніп!