Qarakesek - Aспандағым

7 жыл біздің арамызда,
Жанып сөнді бәрі, бізде жанамызба?
Жоғаламызба? Дым болмағандай,
Тіпті келтіре алмай өткенді санамызға.
Кеше жоқ едің, бар болдың, қайттан жоқсың,
Қайта бар боласың, сен қайтқан жоқсың.
Әппақ жүрегің мен куә болам оған,
Жарық мекенде, жүрегің қайта соқсын. Әмин

Көздерім әлі көздеріңе қарайды,
Суретің сақтаулы тұр.
Сарғайтқан сағыныш талайды,
Жүрегімде жаттаулы тұр.
Сенің бейнең,
Суретің сақтаулы тұр.
Сенің денең,
Жүрегімде жаттаулы тұр.

Қайырма.

Аспандарда, сені көру арманым,
Кездесерміз, болса амандық.
Ана жақта,
Қалды шамалы, болуға ана жақтың адамы.

Өмірімді өзіңмен өлшеп едім,
Сен менің жүрегімнің бөлшегі едің.
Тек сенімен ғана менің жан дүнием, тыныш еді,
Не істеп жіберді уақыт, қалай бұл өшіргені?
Сөніп қалды жанбай жатып отым,
Сөніп қалды, жаға алмай отырм (Айналам тас қараңғы).
Аяқ асты түсінбей қалдым, ұшып кеткеніңе шығып қанаттарың,
Қолымды созып артыңнан, аспанға қарап қалдым.
Тұрып қалд, сынып қалд, сағаттарым,
Өртеніп кетті күнтізбенің барлық парақтары.
Сұраққа жауап таба алмай, сілтеп арақтарды,
Сынаққа қарсы тұралмай, жүрек қанап қалды.
Өмірімді өзіңмен өлшеп едім,
Сен менің жүрегімнің бөлшегі едің.
Жұлып алып кетті сені көтеріп аспандарға.
Қайта жолығамыз деген үмітім бар аспандарда