QARAKESEK - ӨЗГЕРМЕ

Бұл саған көмектесер, бәлкім ойланарсың,
Баяғы мен танитын адамға айналарсың.
Сен әлі ойда барсың,
Сен әлі қанымдасың - бойымда айналасың.

Сен әлі жүректің түбін мекен етесің,
Қалайша ұмытып кетем сені, а?
Қалайша өмірімнен ерте кетесің,
Мен емеспін ба сенің теңің, а?

Ештеңе жоқ дейсің ба біздің арамызда,
Ойланып сөйле - арада баламыз бар.
Уақыт бар, үміт бар, үмітімді үзбе,
Ұқсата гөрме менің өмірімді күзге.

Жаным, жаным, жақын адамым,
Үйімнің жарығы, келіні анамның.
Түсінші, өмір енді басталды,
Қалмағандай болмашы мүлде амалың.

Қайырмасы:
Тартады жүрек саған,
Жүрегің керек маған.
Неге жоқсың, бірге жоқсың
Деп едім.
Қалай үндемей қалам,
Қараңғы болса ғалам?
Отбасымсыз, отбасымсыз соға ма жүрегім?

Кешір, түн ішінде көп күрсінсең,
Кешір, көңіліңді түсірсем.
Білмейм қанша тамғанын көздеріңдегі жасың,
Әйтеуір уайымдарға батып жүрсің сен.

Жоқ, уайымдама бәрі үшін сен,
Бәрі жақсы болады, бір-бірімізді түсінсек.
Кім қателеспейді, а, ешкім періште емес,
Дұрыс болады, баламызды бірге өсірсек.

Бәрі жақсы болады, бұл - Тәңірдің қалауы,
Әлі жаспыз, көтеру керек отбасы жалауын.
Жанбай жатып сөнгелі болмас алауың,
(Жанбай жатып сөнген алауың)

Жоқ, тоңдырғым келмейді сендерді салқынға,
Жүректің жылуы бар сендей алтынға.
Тағыдырымда таңба болып сенің атың қалды,
Нүкте қоюға болмайды, ақылымды ал.

Қайырмасы:
Тартады жүрек саған,
Жүрегің керек маған.
Неге жоқсың, бірге жоқсың
Деп едім.
Қалай үндемей қалам,
Қараңғы болса ғалам?
Отбасымсыз, отбасымсыз соға ма жүрегім?