Есет Сәдуақасов - Сағындым сені

Сенімен таныстырған,
Сезіммен табыстырған.
Сәттерім қол бұлғайды,
Сағым боп алыс қырдан.

Еліктей сүйкіміңмен,
Еліттің сиқырыңмен.
Өзіңсіз өткен күннің,
Сұрықсыз сиқы мүлдем.

Қайырмасы:

Сағынып сені жаным,
Аңсаймын ойдан жүдеп.
Сағынып сені жаным,
Тулайды қайран жүрек.

Ертең мен кешені ойлап,
Келемін көше бойлап.
Хабарыңды әкелгендей,
Самал жел еседі ойнап,

Сен гүлден жаралғансың,
Жұпар боп таралғансың.
Бағыма туған менің,
Аяулы ақ армансың.