Zhakau, Данияр Кәрім - Сынақ

Өзгенің бағына бұйырған жансың
түсімде сенің елесің
Суретің енді естелікке қалсын
тәніңмен менікі емессің

Білгенмін ажырасу бізді қатты қинайтынын
Өзімде саған сыйлы менде сені сыйлайтынмын
Өзімді бос жүрістен, сауық сайраннан тыймайтынмын
“Ол саған лайықты емес”- деп білесіңғой қинайтын кім?

Eкеу ара мәселеге , екі ана араласып
Жүретінсің барып келіп , ойыңды қара басып
Бақыт бізден тайған екен, жатқанда біз жағаласып
Талақтыңда араны ашық, жіберді ақыры араны ашып

Меніде кешір мен сеніде кештім
бір болуға бізге кеш тым
Өзіңдей мені жұбатпас ешкім
Айтшы, неге ерегестің?!

Kейпіндегі жанмын мен шарасыздың
Қайтаруға сені жаным шамасызбын
Ызғарына тоңдық біз ала күздің
Ортада жылап қалды кінәсіз бала біздің

Түбегейлі үздім сеннен соңғы үмітімді
Таудай арман жоспарым құлады үгітілді
Менде қайта күш жинап өсіремін үміт гүлді
Алғашқы біздің кездесу бәрі ұмытылды

Ажырасу себебінен білесіңбе кім ұтылды?
Дауыл тұрып арамызда, төбемізде ай тұтылды
Екеумізде шешімге келе алмадық ұтымды
Бізді айдап сап өз ара азғырушы ол құтылды

Біздің балапан ақтасын аналық ақ сүтіңді
Сен 18-де емессің жалтыратпай жап бұтыңды
Түсірме өз абыройыңды, жоғалтпа құтыңды
Ауырып қалса балапан жасарсың күтімді

Жастар сақтаңдар отбасыдай бүтінді
Сынаққа ешкімді салмасын
Үлкендер өшірмеңдер түзу жанған түтінді
Өтінемін, балалар жылап қалмасын!