Abdujalil Qo'qonov - Odam bo'lish qiyin ekan

Dunyo asli o'yin ekan, tashlab ketar kiyim ekan,
Anglaganim shu bo'ldiki, odam bo'lish qiyin ekan.
Bug'doy, arpa ekkan bilan, sheru yo'lbars boqqan bilan,
Shon-shuhratga botgan bilan odam bo'lish qiyin ekan.

Kuldan gulxan yoqqanlar bor, oltin-kumush taqqanlar bor,
Osmon sirin ochganlar bor, odam bo'lish qiyin ekan.
Yor ko'nglini olmoq oson, omad kelsa kulmoq oson,
To'y-tomosha bermoq oson, odam bo'lish qiyin ekan.

Ey, dunyoga mahliyolar, foyda bermas diydiyolar,
Yig'ladilar avliyolar, odam bo'lish qiyin ekan.