Elyor To'ychiyev - Otamni bir quchoqlab qo'yay

Savlat to'kib yurgan uyimda
Siyrati bor turgan bo'yimda

Bir o'ynasin xursand to'yimda
Otamni bir quchoqlab qo'yay

Dunyo ishin bir chetga surib
Borligida mehriga to'yay

Hafa bo'lsa qo'yay kuldirib
Otamni bir quchoqlab qo'yay

Do'sti bo'lay sirdoshi bo'lay
U maqtansin men baxtga to'lay

Xursand bo'lsa jilmayib kulay
Otamni bir quchoqlab qo'yay

Otama otama
Suyangan tog'im

Ishongan bog'im
Otam

Otama otama
Davlatim boyligim

Qiblagohim mani
Otama

Baxtli inson bo'lib yashasin
Sevinchlarga to'lib yashasin

Yuragim-ey bir bor bo'shasin
Otamni bir quchoqlab qo'yay

Omonatu g'aflatda qolmay
Ko'zlariga alamlar solmay

So'kib bersa ham ko'nglimga olmay
Otamni bir quchoqlab qo'yay

Ish yurishmay qolganda
Dushman ortdan kulganda

Do'stlarim yo'qlamay qo'yganda
Yolg'iz madadkorim otam

Suyangan tog'im
Ishongan bog'im

Davlatim boyligim
Qiblagohim otam

Otama otama
Suyangan tog'im

Ishongan bog'im
Otam

Otama otama
Davlatim boyligim

Qiblagohim mani
Otama

O'zi kiymasa ham bizni kiydirgan
O'zi yemay ichmay bizni to'ydirgan

Bizni hech kimdan kam qilmay o'stirgan
Otamni bir quchoqlab qo'yay