Mehribon - ONANGNI boshingda kutar

Dunyodan bolam deb kuyunib o‘tar
Farzandidan kutsa shirin so‘z kutar
Dunyodan bolam deb kuyunib o‘tar
Farzandidan kutsa shirin so‘z kutar
Topib tutganini beminnat tutar
Mehribon onangni boshingga ko‘tar
Jannati onangni boshingga ko'tar

Artar kiprigingga tushgan gardingni
Yurakdan his qilar quvonch dardingni
Anglay olsang agar zarra qadrini
Mehribon onangni boshingga ko‘tar
Jannati onangni boshingga ko'tar

Og‘ir damlaringda yoningda bo‘lgan
Chimdim yutug‘ingdan quvonchga to‘lgan
Yig‘lasang yig‘lagan, sen kulsang kulgan
Mehribon onangni boshingga ko‘tar
Jannati onangni boshingga ko'tar

Onangning mehrini yurakdan tuygan
Suysang bu dunyoda onangni suygin
Kuysang volidam deb onam deb kuygin
Mehribon onangni boshingga ko‘tar
Jannati onangni boshingga ko'tar