Sarvar Avazxonov - Bir kecha

Yulduzli kechaga to‘libdi toring,
Kuygan yuragimning taftini olgin,
Meni tutaverar sening xumoring,
Ming kecha bo‘lmasa, bir kecha qolgin.

Ertani ko‘rish yo‘q, ham ortga qaytish,
Xayolga ergashib, telbadek daydish,
Hech kimga aytish yo‘q, hech kimga aytish,
Ming kecha bo‘lmasa, bir kecha qolgin.

Mayliga, shu oqshom yilga aylansin,
Orzularim oppoq gulga aylansin,
Ko‘nglim armonlari kulga aylansin,
Ming kecha bo‘lmasa, bir kecha qolgin.

Bir kecha, bir kecha, bir kecha qolgin
Ming kecha bo‘lmasa, bir kecha qolgin.
Hech kimga aytish yo‘q, hech kimga aytish,
Ming kecha bo‘lmasa, bir kecha qolgin.