Kalandar Yakubov - Musibat (Rasululloh sizni sog'indik)

Bu dunyoda iymon bilan
nurga cho‘mgan bir ummat bor
Ul ummatning yo‘li kengdir
Barchasida ming rahmat bor

Hayotida hotirjamlik
O’limida ming hikmat bor
Rozi bo‘lar taqdiriga
Tutar ikki enlik xat bor
Rasululloh vafot etdi
yana qanday musibat bor

Barchamizning qalbimizda
Dunyoga bir muhabbat bor
Muhabbatdan hosil bo‘lgan
Razillik bor, qabohat bor

Ayo, ummat, bu dunyoga
Nechun qattiq sadoqat bor
Zamin og‘ir nafas olar
Unda qanday halovat bor
Rasululloh vafot etdi
yana qanday musibat bor

Kimdir o‘lar, kimdir nafas
olmoq ekan, anglab yetdik
O’zni mangu da’vo qila
Go‘ristonni manzil etdik

Oling, mana, dunyolarni
Habibulloh birla ketdik
Endi bizga na go‘zallik
Va na sokin halovat bor

Rasululloh vafot etdi
yana qanday musibat bor