Seyyid Taleh - Ta nəfəsim var, deyərəm ya Əli

Ta nəfəsim var deyərəm ya Əli
Can sənə qurban edərəm ya Əli
Aləmi imkan mənə gər naz edə
Mən də sənə naz edərəm ya Əli

Çoxları divanəyi eşqindilər
Mən vəli divanətərəm ya Əli
Mən demirəm layiqi dərgahınam
Aşiqi şuridə sərəm ya Əli

Versələr eşqində mənə zəhr əgər
Bal əvəzində içərəm ya Əli
Adını görsəm yazılıb torpağa
Min yol o adı öpərəm ya Əli

Yox bilirsən ömrülərə etibar
Bir günü mən də ölərəm ya Əli
Qəbrə qoyub hamı gedəndən sonra
Onda səni gözləyərəm ya Əli

Hər nə sual eyləsələr qəbrdə
Ayrı sözüm yox deyərəm ya Əli
Qəbrimin əvvəl gecəsi gəlməsən
Fatimə canı küsərəm ya Əli